Apnajpj-Home

terey nakhray uthata hoon tou aankhain bheeg jaati hain
jo phir bhi daant khata hoon tou aankhain bheeg jaati hain

tumhara maal khanay ki sahoolat chin gai jab se
kama ke ab jo lata hoon tou aankhain bheeg jaati hain

tumharay ishq mein shugar mili hai mujh ko badlay mein
karailay ab jo khata hoon tou aankhain bheeg jaati hain

hai khara es qadar paani tumharay ghar ke nalkay ka
mein peenay jab bhi aata hoon tou aankhain bheeg jaati hain

gai ho jab se tum maikay ajab hi haal hai apna
khana khud pakata hoon tou aankhain bheeg jaati hain

teri amma ke darr se mein tujhe shopping karata hoon
magar jab bill chukata hoon tou aankhain bheeg jaati hain

mujhe mamoon bulata hai meri mashooq ka beta
usay godi uthata hoon tou aankhain bheeg jaati hain

azal se mujh ko lahaq hai yeh marz e ladawa yaaro
ke aansoo jab bahata hoon tou aankhain bheeg jaati hain

Haya jab se laal mirchon ka kaarobaar karti hai
galay us ko lagata hoon tou aankhain bheeg jaati hain

---

woh laaee hai naya joota , ek tohfa mohabbat ka
us se maar khata hoon tou aankhain bheeg jaati hain